«Онытырга хакыбыз юк». 27 гыйнварда истәлекле дата – 900 көнгә якын дәвам иткән һәм кешелек тарихында иң канкойгыч камалышка әверелгән Ленинград блокадасы өзелгән көн билгеләп үтелә. 1941 елның 8 сентябрендә немец-фашист гаскәрләре шәһәрне бөтен илдән тулысынча кисәләр. Музей кунаклары Ленинград блокадасының каһарман көннәре турында, Нева шәһәрен азат итүдә катнашкан якташлар турында белделәр. Музей хезмәткәрләре ерак сугыш шаһитләренең хатирәләре белән таныштырдылар.