Районыбыз үзәк китапханәсе каршында оешкан "Аксакаллар шурасы" үзенең чираттагы очрашуын үткәрде. Дәрәҗәле бистәлеләрне- элеккеге район, оешма җитәкчеләрен берләштергән "Түгәрәк өстәл" нең бу юлы күтәргән темалары киң форматлы иде. Анда районыбызның 95 еллыгы белән бәйле кызыклы әңгәмә дә булды. Китапханәчеләрнең тәм- томы, тәмле чәе кайнар әңгәмәләргә гүя җылылык та өстәде.