“Сез әкиятләр беләсезме?” – дигән сорауга бүгенге чарага килгән балалар бертавыштан “Әйе”, - дип җавап бирделәр. Корноухово мәдәният йортында үткәрелгән “Әкияти десерт” дип исемләнгән әдәби лот-уен кысаларында аларның әкиятләрне ни дәрәҗәдә белүләрен тикшердек бүген. Чын-чынлап әкият дөньясына чумып, ике командага бүленеп көч сынашты балалар. Сынатмадылар! Ике команда әгъзалары да әкиятләрне бик яхшы белә булып чыкты. Тик, әз генә өстенлек белән егетләр командасы җиңеп чыкты.