“Ныклы гаилә” партия проекты һәм ТАССР ның 100 еллыгы кысаларында 2019 елның 24 октябрендә Күки авылы мәдәният йортында Балык-Бистәсе район мәдәният йортында эшләп килүче “Бистә йолдызлары” әдәби – музыкаль клубы (җитәкчесе ТР атказанган мәдәният хезмәткәре Фирдания Бәдретдинова) әзерләгән “Талантлы син, кеше туганым!” дип исемләнгән әдәби-музыкаль кичә булып узды. Кичәдә районыбыз талантлары ТР атказанган мәдәният хезмәткәре, шагыйрә Рәсимә Гәрифуллина, Россия журналистлар берлеге әгъзасы, композитор, музыкант, Ямаш авылы егете Әхәтов Халидин, республика җыр фестивальләре луреаты Лилия Ризаева, Сергей Фалин, гармунчы Рафил Мөхәммәтшин, популяр җырчылар Илмир Гәйнетдинов, Данис Гәрифуллинн, шигырь, мөнәҗәт белән чыгыш ясаучы Рәмзия Мөхәммәтшина, Рәхилә Галимбекова чыгышларын тамашачы бик яратып кабул итте. Исламия Сафина җитәкчелегендәге халыкара, республика фестивальләр лауреаты, Ямаш авылы мәдәният йорты “Чишмә” балалар фольклор коллективы чыгышы кичәне тагын да тулыландырып җибәрде.